楊崢否認有私生女：傳聞已到失控地步

名模楊崢與黃宗澤（Bosco）戀情自公開以來一直備受壓力，楊崢的負面傳聞更是陸續有來，仲愈傳愈離譜，最新傳聞是指楊崢育有一名十歲大的私生女！

對此，楊崢接受電話訪問時斬釘截鐵否認有關傳聞：「當然冇咁嘅事，傳聞愈嚟愈誇張，已經到咗失控嘅地步！自己笑吓就算！」

對於歐陽妙芝日前唱衰她硬搶黃佩霞老公，楊崢則在電台節目澄清謂：「十幾年前已經講過，之前又回應過，唔係真實嘅嘢，當事人都否認咗，冇嘢可以再講！講咗咁耐好悶！」

而楊崢做完節目往停車場取車時，繼續揸男友古董車的她，被問到遭唱衰一事時說：「冇唔開心，否認咗好多次，唔知可以講咩！（有冇同Bosco討論？）冇！」提到其他模特兒齊聲指證，她說：「其他人嘅事唔回應啦！（後悔咁高調戀情？）不嬲冇高調！」