王祖藍後悔剃頭

藝人王祖藍近日於大熱新劇《食為奴》中飾演「鬼馬小御廚」高天寶一角，而祖藍於受訪時笑言「後悔」為此劇剃頭：「今次係臨危受命，監製黃偉聲一問我肯唔肯剃頭演出，我即刻就應承佢。因為唔駛煩髮型，以後奉旨戴帽。但原來剃頭後仲麻煩，要自己日日剃一次，下次真係要考慮下先。」

問到於劇中屬廚藝天才的他會否於情人節為女友李亞男炮製燭光晚餐？他即搖頭自嘲廚藝「水皮」：「我比較擅長煮即食食品。（全由女友下廚？）佢唔需要咁快做到咁賢良淑德！（好快會結婚？）我點都唔會今年求婚，因為工作已經排到下年。我哋想陪住對方多啲！無論幾忙同幾攰，我都會成日打電話同佢講『我掛住你』，好似我個人喺佢身邊咁！」