楊怡同梁乃鵬午宴暈船浪

藝人楊怡及樂曈到長洲與無綫行政主席梁乃鵬午宴及宣傳劇集《守業者》，由於楊怡及樂曈要工率先乘船趕回中環，不過二人仍帶著印有《守業者》海報的平安包在碼頭派給市民，趁機宣傳。

剛下船的楊怡就因暈船浪而大呼「暈陀陀」。問平時會否去長洲、離島拍拖？她說：「通常去離島都係開工多，同屋企人就好少去，因為我真係好怕會暈船浪，試過嘔到七彩，所以一搭船就要啪定藥。」

談到《守業者》開播收視只有26點，她表示因開工而不知情：「但我相信會愈嚟愈好睇，因為好多觀眾都話想知個兇手係邊個。（有觀眾批評套劇唔Update？）唔Update係有道理，我哋係民初劇，相比起時裝梗係唔Update啦！但有查案劇情，民初已經好Update。（會唔會做啲嘢谷收視？）馬浚偉陣間會喺長洲表演，你問番佢啦！（你呢？）要開工。」