澳門帶病開工　陳慧琳聲沙話好「sexy」

陳慧琳（Kelly）出席澳門晚宴時表示，因為生病而導致聲音沙啞，身穿吊帶裙的Kelly笑言自己把聲好「sexy」，又指兩個囝囝都病咗，可能因此被他們傳染。她又表示最近忙於做電影宣傳，經常要飛嚟飛去，而且衣衫單薄，所以加重病情。另外，Kelly透露細囝最近去考學前班，問到囝囝表現？她說：「佢表現好好呀！識答晒所有問題，我自己坐喺側邊睇仲緊張過佢，老師都有讚佢表現好，仲送咗包餅畀佢！」老師連餅都送埋，係咪定過抬油？Kelly笑說：「老師個個都送嘅！」