陳慧珊被車門撞爆頭縫針

日前被《東網》拍得滿面傷痕的陳慧珊，下午接受無綫節目《燭光晚餐》訪問，眉頭黐住膠布的她解釋，是早前帶囡囡去踩單車所致：「啲護膝、頭盔放咗上車，我準備同佢戴，我開咗少少車門，點知自己唔記得，一烏低就撞落車角位，撞爆咗個T位，當時我掩住好痛，突然手指罅滲晒血，我個女睇住我，但佢好冷靜，我就叫佢叫爸爸落嚟。」

其丈夫見狀即着她去醫院縫針，最後找了個熟悉的美容醫生縫針，問到是否怕留疤痕？陳慧珊說：「應該唔會，因為個傷口位置好多血管，但就算有，我都預咗少少冇所謂。」有指傷口疑是家暴所致，她激動地說：「我冇睇，我諗冇人會信，大家知我同老公嘅關係係點，我都唔需要講出嚟畀大家聽，我冇嘢需要遮掩，最緊要我啲影迷知我冇事，做呢個節目都係想畀大家知我okay。」

正修讀碩士課程的陳慧珊又笑稱，讀書讀上癮，七月將要交Paper，如無意外就順利畢業，她指有興趣再讀博士學位，至於拍劇則有時間便會考慮。