黎耀祥談崢澤戀：未去到咁難捨難離

黎耀祥出席電影《丐世英雄》首映，因之前拍劇時間有所調動，令黎耀祥比原定時間遲來現場，亦因最近經常捱夜的關係，黎耀祥來到時雙眼通紅，認真陰功！談到最近正跟黃宗澤合作拍劇，可有覺得對方心情麻麻？黎耀祥表示：「大家都好專業，有講有笑不知幾開心，好多嘢都係傳聞嚟！（黃宗澤都認咗拍拖！）係，但可能個深度未去到咁難捨難離呢，我同佢都無傾感情事，等第時佢請我去佢蠔吧食飯既時候，把酒談心既時候先傾啦。」