梁家樹榮休：狹路相逢　胡杏兒兜路避黃宗澤

過氣情侶胡杏兒、黃宗澤，前後腳出席無綫戲劇製作總監梁家樹榮休酒會，這亦是黃宗澤與楊崢拍拖後，二人首度碰頭。胡杏兒到場時見到黃宗澤正接受媒體訪問，即刻意兜路上前與梁家樹打招呼，避過尷尬場面。而正在接受訪問的黃宗澤，亦剛好望到杏兒兜路情況，認真有咁啱得咁橋。

事後問到胡杏兒有否感尷尬，她表示：「梗係唔會，大家都係同事。（留意崢澤戀？）無喎，無留意，啱啱喺巴黎返香港。」對於早前在微博上載一張「遞腳相」，即被指是撐黃宗澤和楊崢分手，胡杏兒即澄清謂：「梗係唔係，無咁嘅事，祝福佢哋。（黃母唔鍾意楊崢？）傳聞，人哋嘅事我唔方便講太多。（你仲有無同黃母聯絡？）唔講呢啲嘢。」