黃日華容忍有限度隨時爆大鑊

黃日華妻子梁潔華早前入院，他被指要「撲水」付醫藥費，之後又被指跟父親黃桂關係疏離。黃日華接受訪問時強調容忍有限度，特作澄清：「妻子醫藥費有保險支付，我嘅工作一早安排，根本唔需要撲水，我經濟冇問題。至於我同家人關係雖然唔好，但多年嚟我要盡嘅責任已經做晒，私人事我唔想講咁多細節，人容忍有限度，如果對方再講同事實不相符嘅事，我就攞晒出嚟講，全家都會撐我！」

提到跟生父及後母的關係？黃日華說：「各自各精彩、各自各生活！唔好影響到其他人。」