黃芷晴指劉煥珍破壞父親與爺爺關係

黃日華的84歲父親黃桂日前因病入院，而黃桂的第二任妻子劉煥珍向《東網》哭訴黃日華及其家人多年來未曾探望過臥病在床的老父，從而揭開父子關係疏離。

三點回應力撐黃日華有孝心

黃日華女兒黃芷晴出席環保活動時對近日有關爺爺黃桂的事情作出回應，她表示有跟爸爸討論過此事：「呢啲係上一代嘅恩怨，至於係咩恩怨就唔清楚喇！」

芷晴表示想就此事作出三點回應，第一點就是對自稱黃日華的堂舅父亦是爆料人陳三民表示不認識：「我哋屋企冇舅父或者堂舅父呢個人，亦冇陳三民呢個人，唔知佢喺邊度嚟嘅。」第二點就是有指父親黃日華「大細超」，雖然老婆梁潔華及老父黃桂都分別有病，但老婆就住私家醫院，老父就要住公立醫院。芷晴說：「其實我媽咪嘅療程，佢自己保險已經包晒所有款項，因為我媽咪本身係做保險，佢自己一早都有個好好嘅計劃。」第三點就是力撐爸爸有盡孝心：「劉女士喺5、6年前我讀中學時就已經認識我爺爺，之後佢哋自己建立咗個新家庭，之後我同爺爺關係都冇咁親密，我亦只同劉女士見過一兩次，唔算熟，不過有好多佢講嘅嘢都係本末倒置，我爹哋係有盡到做仔嘅責任，冇採爺爺嘅人唔止我哋，我姑媽同其他親戚都冇探，當中一定係有啲原因。」她又透過爸爸無論在大陸工作多忙，都有給爺爺生活費：「爺爺住緊嘅物業都係爹哋買。（東頭邨公屋？）係！）

黃日華出錢買屋送父養老

芷晴透露小時候跟爺爺的關係OK，她承認如果沒有劉女士出現的話，現在跟爺爺的關係「相信會好啲！」