朱晨麗讚馬國明頭髮濃密：我摸過

緋聞男女馬國明、朱晨麗以情侶檔出席品牌活動，受訪期間朱晨麗如小女人一樣站在一旁由「男友」代答，更不時甜笑望着馬明。

馬明表示開心冇尷尬：「有得搵錢又見到靚女。（情侶檔酬勞高啲？）冇問，聽聞係高啲嘅。」朱晨麗即笑說：「多謝你帶挈我！」馬明坦言唔介意繼續情侶檔搵錢：「有Voice（反應）嘛，得意啲，大家都寫得易啲！觀眾睇得開心啲！」問馬明完成活動後可會接載朱晨麗離開？朱晨麗即搞笑說：「我哋分開車，唔好跟蹤我。」為搵錢，馬明笑言不介意接朱晨麗放工：「下次考慮下啦，可以多啲Voice！」

馬明因拍攝古裝劇《官場浮世繪》而剃光頭，他指之前已剃過兩次，唔怕頭髮生唔番，朱晨麗想幫「男友」解圍但講錯嘢，她說：「佢（頭髮）都幾濃密嘅！（你又知？）拍戲摸過。」而馬明亦說經常與楊怡合作，怕觀眾悶，講到明期待再和朱晨麗合作。

而曾與朱千雪傳緋聞的馬明，笑言全公司姓朱的同事差不多都和自己扯上關係，他說：「除咗咪咪姐（朱咪咪），我都傳晒啦。（轉口味？）問吓咪咪姐。」