拋胸劉嘉玲渴望與偉仔周遊列國

女星劉嘉玲以超性感打扮出席晚宴，拋胸搶「峰」頭，艷壓群芳，成為全場焦點！提到早前與鍾楚紅及關之琳三大美人飯聚並將合照放上網，她笑笑口說：「係呀！近期多咗食飯。（網友大讚靚女！）多謝晒。（你之前又上載咗喺非洲嘅素顏相）嗰個環境冇理由化妝。我之前去咗東非一星期，偉仔（梁朝偉）都有去，好好玩，睇吓動物。」

提到嘉玲有份主演的英皇娛樂投資的大型舞台劇《杜老誌》，她表示仍在等待劇本，心情十分緊張，能與心儀的男主角梁家輝及謝君豪合作是一件樂事，談及以前在訓練班時演舞台劇的情景：「我間唔中都有做，但對上一次已經係十幾年前。（做舞台劇好辛苦？）工作係辛苦，但喺人生裏面搵樂趣。（偉仔支持你？）係，唔使講。（下一個樂趣係乜？）我嘅心願係去多啲地方，睇世界盃、睇北極光，趁有體力要去。（同埋偉仔一齊去？）係！」