千語BB唔使林峯送跑車都咁Sweet

女星吳千語（千語BB）穿上Valentino藍色連身裙出席晚宴，見她手上戴着巨鑽，她解釋是品牌贊助。問有否收過巨鑽？她說：「緊係冇啦﹗結婚先會有，自己唔會買。（有人送？）正式結婚先會有。」

對於Angelababy獲男友黃曉明送贈名車，她直言有跟對方講生日快樂：「我仲話佢好Sweet，希望繼續咁Sweet，戥佢好開心。（佢哋有情人節時影嘅相流出咗？）邊個？（Angelababy同黃曉明。）哦！我哋緊係冇影，平時有合照。（如果男友林峯好似黃曉明咁送架跑車向你求婚你會點？）冇諗過。（生日呢？）最緊要心意。（有冇收過咩驚喜？）有，都係心意嘢，畫畫、寫嘢之類。（對佢有冇期望，送跑車畀你？）唔使期望，最重要開心。（林峯出名Sweet，今次黃曉明贏晒？）冇得比較，最緊要開心。（你同林峯都Sweet？）Sweet！（Angelababy同黃曉明公開戀情？）我有恭喜Angelababy公開戀情，唔使收埋，公開咗大家都開心。」