周麗淇靠碗湯綁實男友

周麗淇出席髮型屋周年活動。問會否帶男友來剪頭髮？她笑說：「睇下點，佢自己喜歡。」問有否留意Angelababy生日收豪跑的報道，她表示知道，但身邊人沒有刻意討論這件事。問熱戀中的她會否覺得很浪漫？她表示不想評論別人的事，但認為這是開心事，並大讚黃曉明和Baby是金童玉女。問恨不恨收車？她坦言不可以比較，因為每對情侶都有不同的開心方法。

問跟男友的開心方法是甚麼？她甜絲絲的說：「簡單就得，絕對唔會比較。（男友係咪浪漫嘅人？）佢OK浪漫，佢成日做啲我估唔到嘅野，久唔久有啲驚喜同驚嚇。（係咪飛去美國搵你好驚喜？）哈哈，秘密。（你有冇送過驚喜畀佢？）我冇佢咁有心思，呢個年代好似男仔細心過女仔，自己正常啦！」她坦言有為男友下廚，最叻煲湯，因為在大陸拍劇習慣煲湯給自己飲。問男友讚好飲？她笑說：「唔知，佢冇任何評語。（有冇飲晒？）佢可以飲唔晒咩？」