迪子爆吳業坤多女仔鍾意

20140304
東網電視
更多新聞短片
迪子和吳業坤將推出合唱歌。
創作歌手迪子早前以性感造型拍攝新歌《流浪記》MV,由於大獲好評,早前她以自娛性質跟「巨聲幫」好友吳業坤拍攝了《流浪記》合唱版,迪子表示:「其實呢個合唱版係自己玩,點知唱片公司知道咗後話有得做喎,於是嚟梗會正式推出一個合唱版《流浪記》,仲會拍埋MV添。」迪子說雖然和吳業坤份屬不同的唱片公司,但雙方的唱片公司覺得音樂無界限,遂達成合作推出新歌。
問迪子是否和吳業坤很老友?她直認:「係呀,佢見過我媽咪,佢仲話追我添呀,我都覺得佢好好,係個可以令我笑嘅男仔。」問兩人可有發展機會?她則説:「我有問過佢有冇女朋友,不過佢成日日吞吞吐吐咁,(咁吳業坤係咪其實有『男朋友』呀?)又唔知喎,不過佢有好多女仔鍾意佢o架,佢都唔似『基』囉。」