南韓高潮迭起　胡杏兒自知玩大求粉絲原諒

胡杏兒「攬仔照」一事可謂高潮迭起，最後杏兒晨早於微博開估這都係「一場遊戲一場夢」，貪玩整蠱吓大家！可能杏兒自知玩大咗，遭網友鬧爆無聊，所以立即喺微博認錯，唔敢再欺騙大家嘅感情，她說：「其實『我找到了』一班可以和我分擔喜怒哀樂的好朋友們，有你們真的很好！！也謝謝所有網友們對我的關心，知道你們真的很愛我，思捷說我做人太認真了，偶爾要玩一下，但我答應我真的不會再騙你們了！！」杏兒找到了一班同甘共苦嘅好友之餘，亦上載今次韓國之行嘅旅行相，見胡蓓蔚 、胡定欣、李思捷及黃智雯都笑容滿臉，更喺街頭喪笑，粉絲們都「冰釋前嫌」，為杏兒感到開心！另外，李思捷被眾女圍嘅作狀咀嘴相，亦即惹來粉絲羨慕又嫉妒！