萬綺雯撐思捷：係個好好玩嘅人

女藝員萬綺雯（蚊蚊）出席活動，提到曾合作拍劇的李思捷與胡杏兒拍擁抱照「自製緋聞」，蚊蚊即大拍手掌笑言「好玩」，對於網民不滿被整蠱，蚊蚊為思捷講好說話：「玩下之嘛！咁佢係玩嘢王，唔爆唔玩！（信佢同杏兒拍拖？）都話係整蠱啦！思捷係個好好玩嘅人，外界成日話佢身邊多女仔，但個個都同佢做到朋友，證明呢個人都有可取地方！（忠告佢收斂？）佢咁大個人，又唔係傷害人，玩下之嘛！」

蚊蚊此行接受相識多年的資深傳媒人陳圖安（Jacky）訪問，她笑言廿年前曾被Jacky「欺騙」：「當時大家都係亞視，要拍宣傳片穿緊身太空衣，我當時128磅，佢都話我好睇，真係畀佢呃！」兩人又重提蚊蚊多年前出席活動被迫猜枚，她表示連「十五、二十」也不懂而被指「扮懵」，她委屈得立刻衝離會場，蚊蚊回想起亦自嘲年少無知。