胡杏兒否認反擊黃宗澤　整蠱事件：唔使太認真

胡杏兒在韓國發布完「攬仔照」整蠱大家後與男主角李思捷、黃智雯由韓國旅行返港，杏兒與思捷在機場接受訪問回應大整蠱事件，杏兒說：「總之係你已被整蠱，係一齊諗嘅。」思捷則護着杏兒搶答說：「其實係我哋一班識咗好多年嘅朋友，Plan咗好耐終於可以一齊去旅行。旅鬆下啫，你知杏兒做嘢成日都好緊張。（怕唔怕玩大咗﹖）最緊要佢開心，睇番佢啲fans，無論係邊個都好，都好支持佢。」杏兒表示：「思捷都講得啱，有時唔使太認真。」思捷說：「我成日都同杏兒講，其實係關於你，唔係關於別人，最緊要你開心，做人唔好咁Serious（認真）。」

杏兒被問到可擔心激嬲粉絲﹖她說：「啲fans又冇乜嘢喎，多謝大家支持。」思捷說：「一百個都有一個嘅。」問杏兒是否為搶見報版位，反擊前度男友黃宗澤多姿多彩的新聞，杏兒說：「唔係，絕對唔係，其實都好耐，唔係嗰樣嘢。」思捷繼續幫口說：「唔可以咁講，呢行要互相尊重，唔可以將啲嘢拉埋一齊講。」