李璧琦跳步開騷似做未婚媽媽

藝人李璧琦為投資移民計劃記者會擔任司儀，她表示所有投資都是交由媽咪負責：「佢攞幾多去投資，有幾多回報我都唔知，賺定蝕我都冇所謂，不過媽咪呢方面好叻，我都好放心。（一出糧就畀哂媽咪？）係呀。（幫你準備嫁妝？）我知佢幫我儲錢，不過用嚟做咩就唔知。（有冇催婚？）十畫都未有一撇。（會學胡杏兒咁宣布『我找到了』？）未有咁嘅機會住。」她又表示希望今年能做多點音樂事宜：「因為通常出碟先做新人，之後先有音樂會，不過我就調轉做咗音樂會先，覺得自己似個未婚媽媽咁，跳咗個步驟。（無綫嘅星夢娛樂有冇搵你？）未去到呢個階段。」