陳偉霆睇手袋氹阿Sa

陳偉霆（William）和蔡卓妍（阿Sa）發展姊弟戀至今差不多四年，感情穩定，甚至發展到就算男友或女友不在港也可以自由出入對方屋企，William氹掂阿Sa並非無原因，日前見他獨自現身中環處理私務，亦不忘幫女友物色禮物。

當日傍晚6時多，一身便服打扮的William，戴上粗框眼鏡於中環等過馬路，手持文件的他步入附近大廈後，轉頭取了一大袋衣服步出，只見他隨即行入附近的商場，漫無目的地閒逛，及至行經賣名牌手袋的店舖，卻突然剎停，雙眼發光地企定定打量櫥窗，記者一望，原來櫥窗內放了不少大大細細的桃紅色的女裝名袋，桃紅色絶對啱晒嬌俏又貪靚的阿Sa，William左睇右睇一輪，更拿出電話似是詢問意見，不過最後都可能驚唔啱女友心意，未有出手購下。