胡杏兒整蠱全世界　秋生指開玩笑要睇後果

胡杏兒接受黃秋生及黎芷珊主持的《燭光晚餐》節目訪問。秋生到場才知道嘉賓由原本的顏卓靈換成杏兒，他一臉愕然說沒有準備不懂得提問：「我惟有低頭食嘢囉！交番畀芷珊。顏卓靈我就好多嘢問，包括點樣跳舞同創作。（杏兒同李思捷扮拍拖整蠱全世界？）佢咁百厭！做呢行係要有童心，演得戲嘅梗係想呃到人啦，好似鵬叔（盧海鵬）幾十歲都仲好過癮，不過又咁講，有時開玩笑要睇吓你同人有幾熟，承唔承受得起後果囉！」

杏兒則否認「執二攤」任嘉賓﹕「芷珊一直有同我度期。（秋生話你百厭！）以後唔百厭喇，我冇陰謀冇試水溫，亦唔係博頭條。（思捷提議？）佢都話我做人太認真，如果有80歲命都只係得2萬9千幾日，咪玩吓囉，嗰日搭地鐵諗出嚟嘅。我唔會『狼來了』，總之答應大家，如果拍拖都會拖出嚟開記者會，唔會喺微博度公布。」