蕭正楠否認與陳展鵬不和：唔通我又眼紅王祖藍咩？

蕭正楠與陳展鵬到將軍澳電視城拍攝宣傳片，對於有指陳展鵬不滿經理人大細超，接工作時偏幫蕭正楠，陳展鵬否認謂：「工作係公司安排，接工作都係睇客戶要求，演員都係海鮮價好被動，我同蕭正楠係小學同學，到依家一齊拍戲係緣份，唔會因為呢啲新聞影響感情。」

蕭正楠亦否認傳聞，指與陳展鵬兩兄弟相處十分開心，並謂二人早前因一起到雲頂登台，故比以前更加熟稔。他笑說：「我哋個經理人要睇好多藝人，唔通我又眼紅王祖藍咁多工作咩？」