馬國明戴假髮　激似張偉文？

「荀盤」馬國明（馬明）現身將軍澳電視城拍攝戒煙節目。擔任戒煙大使的他以棕色假髮亮相，即被記者笑指與歌手張偉文「似樣」。

本身唔吸煙的馬明，稱會勸朋友戒煙：「叫佢哋食少啲，食煙又唔經濟又傷身。」問到若揀女友，對方是煙民會否減分？他即指不吸煙是做其女友條件之一：「會減分，因為我全家都唔食煙。唔食煙係條件之一，如果佢戒煙都ok。（之前有冇女友吸煙？）冇！」

另外，他透露目前正趕拍劇集，並將與「阿嫂」周麗淇有對手戲：「四月開拍新劇，第一次同周麗淇合作，期待同靚女開工。（人哋係阿嫂）拍劇啫，阿嫂都冇所謂啦！」