梁朝偉暫未有feel開工：呢個年紀唔會成日拍戲

影帝梁朝偉出席太太劉嘉玲有份投資的家品店活動，他透露近來愛上滑雪，並會繼續滑，因暫時未有feel開工。記者指他已休息很久，他聞言即笑謂：「都唔係好耐，我都成日出嚟，做演員就係咁，拍完戲要抖一段時間，跟住學吓呢學吓路，咁下次出嚟都有新嘢帶畀大家。我呢個年紀唔會再成日拍戲，要真係好鍾意先捱到，拍戲其實好辛苦﹗」

有指他會跟張家輝合作新戲，偉仔坦言早前跟林超賢導演傾談過有關計劃，但暫時十劃未有一撇，並謂只是很初步的想法。問他有沒有甚麼想學的東西，他表示：「乜都想做，想練吓聲，同埋學吓形態控制，例如跳舞或者功夫咁，有助做戲。（叫埋嘉玲一齊學？）冇得叫，要自發。」

問到入圍金像獎最佳男主角有否信心，偉仔笑言：「人愈大愈覺得一部電影係成個團體嘅努力，我當然希望得獎，因為呢五年真係好辛苦，經歷好多，如果得獎係對成個團體嘅一種鼓勵﹗（有乜對手？）全部都係。（張家輝呼聲好高？）咁唔同嘅頒獎禮有唔同嘅評審，唔同評審又有唔同嘅心水，所以好難咁講。」他又透露早前在柏林影展擔任評審十分開心，收穫甚豐，是個很難得的經驗。