陳茵媺一家三口遊蘇梅島慶祝仔仔百日

陳茵媺、吳卓羲、陳展鵬到將軍澳為新劇《叛逃》宣傳，陳茵媺的兒子昨日剛出世百日，她透露日前與老公陳豪帶了兒子三人行到泰國蘇梅島陽光與海灘預祝兒子出世百日，她說：「個仔好乖坐發機都冇喊，可能佗住佢已經飛嚟飛去習慣咗坐飛機。」至於白色情人節茵媺就透露留在家中切蛋糕慶祝。

講到陳豪表示婚後不想拍咀戲，在劇中也有咀戲的茵媺笑說：「佢冇同我講過喎！作為演員將來都要面對小朋友見到父母呢啲畫面需要去處理，套劇拍咗好耐，好開心有機會播，我都諗唔起同邊個咀，到時播嗰陣要掩住阿Mo對眼。」

吳卓羲被問到有傳因離巢的蒙嘉慧令劇集遲遲未出街？他說：「唔係，據我所知因為當時出咗《飛虎》，公司唔想題材太遲先唔推出啫。」吳卓羲又相信公司不會剪走蒙嘉慧的戲份。