羅仲謙撐楊怡冇整容：喺我心目中就係靚女

羅仲謙出席時裝活動時，擔任模特兒行騷，並表示早前為拍古裝劇而增肥，故現在要刻意減磅，戒食澱粉質及跑步，減了十多磅。

而問到有指其緋聞女友楊怡為他而整容變後生，他說：「喺我心目中，佢本來就係靚女。（本來？）佢根本就係靚女。雜誌起題啫，唔係真實，根本就係靚女，唔需要。（肯定佢冇整？）拍劇對得佢多。（好清楚佢五官擺位？）起題啫，要保養嘅都係我自己先。（話佢整後生嚟襯你喎。）係佢本身靚，同TVB打燈打得出色，先有咁嘅效果。（係咪你講過嫌人老？）梗係唔會，同佢合作好榮幸。（覺唔覺你哋愈嚟愈襯？）佢同馬國明襯啲。我都有睇《守業者》，睇完之後覺得佢同馬國明喺《On call 36小時》好襯。（接唔接受到女友為你整容？）我在乎思想同諗法，唔注重外表，我都冇可能到50歲都咁嘅樣，如果真係都幾得人驚。」