苗僑偉祝沈震軒早日康復：唔好再換人

苗僑偉（三哥）、梁靖琪、許紹雄等在九龍城拍攝無綫劇集《使徒行者》，講到沈震軒開工時跌斷手，苗僑偉受訪表示：「我唔喺現場，好似話拍踩單車戲跌咗落地，隻手裂咗骨要鑲螺絲要做手術。」講到沈震軒是頂替因病辭演的森美，他說：「都幾黑仔，可能要休息一兩星期，不過應該唔會再換人，可能拍住啲文戲先。」

問三哥可會為劇集拜神祈求拍攝順利？他說：「之前已經拜咗，大家小心啲啦！拍動作戲受傷在所難免，做到就親身上陣，之後有啲撞車戲都會用替身。」梁靖琪也覺得劇集有不少意外發生，相信沈震軒今次受傷難免影響進度。