陳展鵬拍劇導致肝酵素提升　食藥物阻止肝病

陳展鵬為新劇《叛逃》接受電台訪問，對於有傳有份主演的蒙嘉慧因離開無綫要導致新劇要推遲三年才播出，展鵬否認：「我諗唔會，套劇有好多演員合作，公司運用資源拍一套劇唔會雪藏佢。（唔相信傳聞？）唔關事，冇咁大影響力，有好多演員曾經離開過公司都會照播。」

至於曾合作過的馬浚偉早前因血壓爆標入院，展鵬坦言不知情：「吓！佢咁瘦都血壓爆標？真係要小心身體，爆血管都幾麻煩，影響幾大。（已經出院？）佢冇事就OK，會發短訊慰問佢。」

展鵬表示每年都會做身體檢查：「近呢兩、三年不停拍劇，都驚自己頂唔順，去身體檢查時驗到肝酵素高咗，都幾危機，好大機會有肝病，最後食藥控制番。」