黎耀祥拍感情戲老婆嫌唔夠肉緊

三屆視帝黎耀祥（祥仔）今日出席無綫新劇《商戰》（暫名）試造型，密密工作的他，表示戲接戲有點辛苦：「三月尾完成上一套劇，呢套就四月頭就開始拍，都幾緊密！」祥仔亦透露此劇有挑戰性：「個角色同我唔似，佢係有錢仔，賺錢買花戴，又有自信，但我就好緊張錢嘅。（有冇靚女埋身？）一開始就同Becky（李璧琦）離婚，個角色覺得婚姻好麻煩，係工作狂。（拍感情戲因太太介意？）反而太太冇所謂，仲嫌我（感情戲）做得唔肉緊，次次感情都係淡淡哋。（Kiss戲？）呢啲留番畀後生做啦。（神交？）呢啲講深度，唔係咁膚淺，唔會放喺口邊嘅。」

至於「太監五虎」（黎耀祥、黃浩然、蕭正楠、陳國邦、曹永廉）再度合作，祥仔表示大家甚有默契：「大家都唔同性格，好有火花。（會唔會悶？）唔會啦！大家都好有新意！」