栢芝「菲」常擔心　急返港睇實霆鋒

身在新加坡的張栢芝，一直專心照顧在當地上學的Lucas及Quintus，繼早前現身大陸節目《最強大腦》搵真銀後，再被網友目擊與兩名愛子「突襲」香港機場，引得多位傳媒在其寓所世紀大廈等候﹗據知，返港斷正的栢芝，此行是為好友的電台節目造勢，而栢芝亦有份參與該節目。雖然栢芝打正旗號來港工作，不過適逢前夫謝霆鋒忽然高調公開求愛，不禁令人揣測栢芝今趟「襲港之旅」是為睇實霆鋒﹗

而近日霆鋒被戀聞攻陷，先被傳暗撻文詠珊（JM），又被指與王菲復合，本月初帶隊襲巴黎錄新節目《十二道鋒味》時，更碰巧新歡舊愛齊集巴黎，被指與王菲來個世紀見面，之後他更不諱言恨拍拖：「找個人安定下來。」令霆鋒的戀聞更加似層層﹗

對於栢芝「襲港」，據知霆鋒表現愕然，更未想到正在上學的兩名愛子「停學」隨行，所以對此大為緊張並了解中。記者就此事聯絡霆鋒，不過其經理人霍汶希代為回覆，表示霆鋒對於家事拒絕回應。而未出發先興奮的栢芝，日前被網友指與囝囝在加國出巡，除nice爆與網友任影唔嬲，更踎低為囝囝Lucas留倩影。