聞芝色變　謝霆鋒：係咪想死呀？

謝霆鋒前妻張栢芝，在前晚捧緋聞男友釗鋒時，本來high爆睇騷，但突然發火咒自己：「我聽日就死！」剛夠廿四小時後，霆鋒就話：「係咪想死呀？」唔知係咁啱一句口頭襌，抑或係反問呢？

張栢芝擔任星級主持的電台節目於今日凌晨十二點半首播，同時霆鋒及前奶奶狄波拉，於灣仔船街一間餐廳，和朋友吃飯聚會。於凌晨一時十五分，當霆鋒見到記者在餐廳現身，立刻友善的上前，說：「我行出嚟，畀你哋影嘞！」二話不說，一身西裝以CEO Look示人的霆鋒，不徐不疾，插住褲袋，chok爆地離開餐枱，慢慢走向記者的位置拍照。期間，記者本來想問會否跟剛返港的栢芝，商討何時見一對兒子等問題，但未說完整個問題，開口一講「栢芝」這兩個字時，霆鋒立刻打斷記者的問題，笑笑口說：「係咪想死呀？我已經企出嚟畀你哋影，仲問！」

大約半小時後，霆鋒和母親拉姑偕同友人們一起離開餐廳，向來孝順的霆鋒，先送拉姑上車，而拉姑見到記者表現友善，全程笑笑口。霆鋒送完拉姑上車，返回自己的座駕期間，當記者上前再提問關於一對兒子的問題時，霆鋒甫聽「囝囝」兩字，未有聽畢整個問題，便快步上車離開。