樂基兒自嘲好渣　唔會有機會幫黎明拍戲

黎明前妻樂基兒（Gaile）出席活動時已回復苗條身形，她笑言：「呢幾日感冒，不過好多謝你哋讚我瘦番。」同場有另一位前天王嫂熊黛林，問她與對方同場有何感覺？她直言：「其實都開心，我知道新聞界點諗，我哋係同代模特兒，見到面冇乜嘢。」有指黎明在一個派對中大受女性歡迎？她說：「我冇睇到，向來唔睇八卦雜誌，佢唔係單身都好受歡迎，唔關單身與否事，佢本身係好受歡迎嘅男仔，佢開心我都好戥佢開心。」提到黎明執導新電影？Gaile大方祝福對方成功：「佢成功我都好開心。（會唔會入場支持﹖）希望啦！但我未必喺香港，但會買DVD，始終都係以前曾一齊過嘅人。（如果佢搵你拍呢？）我自己好渣，唔會有咁嘅機會。」