鄭伊健拍羽毛球電影　與國家運動員對打

藝人鄭伊健、劉浩龍（師兄）、梁漢文（Edmond）、林敏驄、邵音音、前羽毛球國家隊代表鮑春來、王琳和導演郭子健、聯合導演黃智亨等，今日在會展出席以羽毛球為題材的電影《全力扣殺》的記者會，伊健、師兄、Edmond都身穿西裝，當中以師兄的平頭髮型加眼鏡，似足「有米土豪」，非常突出。

在戲中要奮力打羽毛球的伊健，更有機會與國家運動員對打，問到贏輸，伊健就指在心目中自己是贏了。另外，他雖表示拍攝時體能無問題，但笑言：「導演好鍾意開機唔cut機，教練都打到標晒汗，我哋都好金吓！」

導演郭子健透露小學是羽毛球校隊，伊健就「輸人唔輸陣」，佢搞笑話自己係樂民邨街童隊，之後問到為可有意拍攝羽毛球題材的電影？郭子健就繼續搞笑話：「趁有精力，30歲就開始無乜力。」伊健即搞鬼扮後生說：「我都係廿（歲）頭啫。」而郭子健亦指自己是18歲。

問到伊健前拍檔譚玉瑛被無綫由兒童節目主持轉為顧問，更有傳要將人工大減，伊健就避忌指今天場合不便回應，直言要「匿埋講」避談此事。