吳千語連髮型都睇林峯心水

吳千語以一頭橙啡短瀏海新髮型出席品牌活動，不過她笑言只是假髮。問到是否沒有勇氣把瀏海剪短時，千語BB說：「係呀，其實想嘗試短髮造型，不過都唔會啦，拍戲唔方便！試吓戴短嘅假髮就得。」問到男友林峯喜歡甚麼髮型，她甜絲絲說：「其實佢好似鍾意紮辮呀。（不過你好少紮辮？）我有呀！平時出街會就咁All back，好Casual咁。」

千語BB謂將會到南非工作，她說：「嚟緊有品牌邀請我去南非拍嘢，會去睇吓啲動物啦。（擔唔擔心治安問題？）今次係去市中心，同埋有一大班工作人員，我諗都安全嘅！」問到男友會否陪伴她去南非，千語BB表示：「佢要拍劇呀。佢好耐之前都去過南非拍劇，不過佢係郊外，我就去市中心啫！」

是次活動的品牌來自美國，千語BB謂：「我都去過L.A.（洛杉磯）！（同林峯去？）係呀！不過淨係Stay咗幾日，我好鍾意L.A.，因為好多好嘢食！」