戀情發展神速　王菀之蘇卓航見家長

沐浴愛河的王菀之（Ivana）即將舉行演唱會，男友figure王Eric So（蘇卓航）為她設計了一系列紀念品。

Ivana提起男友情不自禁笑說：「一提起佢，助手佢哋又會笑我！呢次演唱會好特別，因為除咗父母、歌迷、監製馮翰銘呢啲長期支持我嘅人參與外，想不到會多咗一個『愛人』，我係一個好重視過程嘅人，係我首次想推出演唱會紀念品，咁啱遇到佢，佢又係一個藝術家，諗都冇諗到提出同佢合作，佢即刻答應，好感動。」

Ivana與Eric拍拖數月，迅速發展到見家長地步，她說：「我哋都同對方父母食過幾次飯，我父母對佢印像唔錯，但唔係話同將來計劃有關，我爸媽唔係唔捨得女兒嫁出去，結婚對我來說比較隨緣，暫時未有時間，可能我都仲未準備好吧！」