陳茵媺爆已經開始幫囝囝搵學校

性格樂天的陳茵媺(Aimee)於3年前的作品《叛逃》是個大挑戰，演繹內歛又Cool的Madam，監製甫開始已禁止她笑得過份燦爛，眼神更不能太陽光，令伊人已大感難度，為免角色穿崩，Aimee於每日到片場前已進入角色狀態，同時亦制止拍檔吳卓羲搞笑，當中一場講述其情緒崩潰戲份，拍攝時間長達12小時，她說:「當時經驗淺，一直拍到第10、11個鐘，最重要嗰part時，個感覺hold唔到，本身個人要用真感覺演戲，所以搵唔到個feel開始緊張，其實當日食午餐都暱角落頭，任何人同我傾計都係一兩句，好在最後都做得到。」

談到其出世3個月的兒子小Aiden，Aimee自爆與陳豪錫囝錫到燶，每次有喊聲也會鬥快跑到Aiden身邊，由於夫婦做甚麼也一起，連Aimee半夜餵奶，陳豪也會陪伴在側，令Aiden也感受到父母那份愛，所以沒有偏心，實行父母齊齊黐，由於本地就學問題緊張，Aimee不諱言已開始為囝囝搵學校，她說:「要research下，我喺外國出世會嚮往自由，都想囝囝訓練自己思想，要有自己創意想法比較重要。」