阿嬌同泡菜前度失聯絡

歌手鍾欣潼（阿嬌）和洪卓立一同亮相出席《唐代佛教藝術品展覽》開幕儀式。兩人均透露篤信佛教，其中阿嬌更直言因淫照事件後，靠信仰令她重新振作：「令我無咁唔開心，可以慢慢釋懷。」問洪卓立女友湯怡可跟他一樣信奉佛教？他笑說：「佢咩都信嘅！」

早前阿嬌的經理人霍汶希在微博上載一張阿嬌手執花球的照片，引來新戀情傳聞，阿嬌說：「我依家感情空白，冇對象、冇追求者，嗰張相係我出席舊同學婚禮時影。」

另外，有指阿嬌的韓籍前男友權寧一（Tyler）被傳戀上韓國女子組合少女時代成員Jessica，對此阿嬌先反問記者：「唔係認咗喇咩？」其後續說：「我唔知呀？淨係收到風話佢哋一齊夜蒲然後又跌親咁。」並坦言已沒有和對方聯絡，亦不想評論他們的事。問會否送上祝福？她說：「如果係真咪祝福佢哋。」