張繼聰廣告接唔停　續約TVB加人工

藝人張繼聰獲汽車防盜系統公司邀任代言人，阿聰出席產品發布會時直言近日接了不少廣告工作：「計埋都有三至四個代言，有啲就快出街。」日前在網上狂Post晒肌肉照原來亦屬於新廣告的代言。問最近賺到盤滿砵滿，他笑說：「要積榖防饑，因為就快拍劇，一拍就冇晒時間做其他工作。」

阿聰透露下個月就要開始為劇集《老表2》開工：「下星期就會開記者會，今次有啲新演員加入。」經已開始試造型的他表示，率先看了幾集劇本：「睇完劇本就發現頭幾集已經成日講我除衫。」對於近日有指TVB對待回巢員工和三、四線藝員續約要面試兼減人工？他表示沒有聽聞：「我最近就續咗約，仲加咗人工。」