伍樂城質問掟爛幾多支結他　霆鋒：6支啫

謝霆鋒以壓軸嘉賓身份現身紅館舉行的《伍樂城幻想國度作品演唱會56X LIVE2014》，穿上開胸恤衫襯黑西褲、皮鞋的霆鋒從台中央升上台，掀全晚高潮，並唱出Hit歌《無聲仿有聲》，期間不停將手插褲袋，擺出Chok樣，當唱完《愛後餘生》後說：「上次上台係陳奕迅騷畀驚喜佢嗰次，我好慚愧，正式喺紅館揸咪唱歌已經係14年前。」伍樂城即說：「你掟爛好多支結他？」霆鋒笑說：「6支啫，Anyway…恭喜你！」隨即向已故「演唱會之父」張耀榮致敬：「多謝番耀榮叔！」接住唱出作品演唱會最後一歌《非走不可》，更邊唱邊走近觀眾席，與歌迷揮手及握手，由於不少歌迷衝到台前，霆鋒即說：「小心。」