田蕊妮扮鬼臉敷Mask　諸葛紫岐晒「二撇雞」相

好多藝人都鍾意喺微博晒靚相，不過有時晒得靚樣多悶悶地，都想搞搞新意思晒吓啲難得一見嘅古怪樣同搞笑樣。好似「雙料視后」田蕊妮咁，就喺微博上載咗一張敷Mask相，相中嘅佢，仲要捲晒脷扮鬼臉，好鬼搞笑！阿田留言話：「之前這兩個星期忙到暈，日日瞓覺時間都唔夠四個鐘！難得一日早收工，馬上返歸！Home sweet home !」有網友見到阿田咁講，都好擔心佢，紛紛留言叫佢保重身體。

除咗田蕊妮，做咗媽咪嘅名模諸葛紫岐（Marie）都一樣好貪玩，喺微博晒自己嘅搞怪相。Marie喺微博上載咗一張靚靚自拍照，不過唔知係咪因為想氹老公同囝囝開心，佢竟然幫自己嘅俏臉加咗「二撇雞」，十分搞笑！Marie仲留言話：「回家真好，媽媽的愛是最偉大的愛！」唔少網友見到佢話返屋企，都問佢係咪去咗北京。