楊崢與黃宗澤甩拖後開腔：積極熱愛生活

楊崢（Vanessa）為烹飪比賽擔任評判，被追問與前男友黃宗澤（Bosco）的一段情。自與Bosco分手後首次在公開活動上開腔回應兩人的關係及傳聞，也是舊愛Bosco與四洲太子女戴凱欣傳緋聞後，首次公開亮相。

大會工作人員則事先向記者表示Vanessa不會回答有關問題。問Vanessa與Bosco現在的關係？她說：「呢啲唔講，不嬲唔答呢啲。（你之前都有講？）多謝大家關心。（Bosco媽咪話你似Bosco第二個阿媽？）要尊重老人家。（傳Bosco同戴凱欣開甜品店？）人哋嘅嘢我唔評論。（你同Bosco係咪朋友？）多謝大家關心。（你哋仲有無聯絡？）多謝大家關心。不嬲我係一個要日日過得開心嘅人，積極熱愛生活，希望大家關注我嘅工作。」她還透露做完今屆金像獎司儀後會起程往歐洲籌備新書。

至於會否重返電台開咪，她表示與電台的合約已經完結。問是否同事不喜歡你？她說：「傳聞嚟啫。（有冇挽留你？）同其他工作一樣，係個過程，學到好多嘢、好開心。（如果Bosco同戴凱欣一齊會唔會祝福佢哋？）唔該晒，辛苦晒大家。」說罷便將咪遞向記者，最後由助手代接。