不與Angelababy相比　張栢芝自封「老女神」

張栢芝任電台節目嘉賓時，節目主持大讚她是「女神」，怎料她卻自封是「老女神」：「依家Angelababy係女神，我老啦，不過好彩入賭場仲會畀人Check身份證，如果唔Check我會發脾氣。我認我靚，但一定唔夠我女神張曼玉、林青霞靚。」她又表示夢想是做DJ，並自爆曾到電台高層房自薦開新節目，皆因一直都喜歡聽吳君如做電台節目。

而在節目中張栢芝更大爆年輕時，試過掛住玩工作甩底，還試過不理會工作日期，突然飛到美國旅遊散心，中途更被Rick Chin爆栢芝後生時戀愛大過天，經常四圍飛陪男友。栢芝藉此機會致歉說：「好想同公司、客戶講非常對唔起，我當年太任性，係好錯嘅一件事，陪男友去旅行，令到成間公司、客戶承擔我嘅自私。」栢芝笑言現時已經知錯，自己及兒子的證件更放在公司的夾萬內給他們保管。