濃妝天堂鳥唔介意被人話MK

近日網上熱爆網的男組合天堂鳥到電台接受訪問，他們Keep住招牌眼線濃妝，成員Gordon說：「今日三個加埋都係化咗1個鐘妝，男仔嚟講唔算耐。」提到不少網民狠批他們，三子說：「有睇網上評語，有好，有唔好，大家笑吓就算，唔覺係網路欺凌，自己唔介意，開頭朋友都會慰問我哋，驚我哋唔開心，但依家朋友仔會扮我哋跳舞。」

他們表示月中將會推出第二首歌曲，問到新MV會否更濃妝上陣？他們說：「大家拭目以待，會有新鮮感！」

提到樂壇小強阮民安（Tommy）踩佢哋未夠班兼是MK-POP？他們表示：「唔同前輩畀好多意見都接受，有MK，就有Causeway Bay，MK係香港中心點，多謝大家畀呢個名我哋。」