李詩韻同公司關係好續約加雙倍

藝人李詩韻於將軍澳拍攝無綫節目《甜心先生》，久未露面的她自爆於大陸及新加坡密密拍劇「搵真銀」。她又稱與無綫的藝員合約於今日約滿，但她將獲續約五年：「會再簽五年，我同公司關係好，有得加人工（加幾多？）加Double。公司又比我出去搵錢（有冇買樓？）在上環買咗間六百幾呎嘅樓。」

有傳無綫藝員要面試才獲續約？她說：「有啲咁嘅事？咁我好幸運，要快啲簽。我都簽得好開心，都簽咗一世人畀佢（幾時拍劇？）六月會開劇。」