王菀之背脊痛男友愛心按摩大讚慳錢

歌手王菀之（Ivana）於將軍澳拍攝無綫節目《勁歌金曲》，抱病上陣的她自爆每次入電視城工作就會肚痛：「我今日唔舒服，又有鏡頭恐懼症。每次入親電視城，都會瞓唔着同肚痛（之前拍無綫劇集點算？）初初都會，不過習慣咗。依家忙緊排練演唱會，每日都處於緊張狀態，又少見人。（排舞進度？）我狂跳舞，希望識跳舞嘅觀眾會手下留情，因為我都好畀心機，提早咗一年去排舞。」

談到練舞有否受傷？她說：「拉傷咗背脊，搞到發炎。我諗住唔睇醫生就會好，不過原來筋骨唔會自己好返，痛楚冇減退。（男友有否關心你？）佢見到我好痛就會幫我物理治療，佢玩開運動，識職業治療肌肉（男友為你按摩？）係，可以慳返物理治療錢。」