田蕊妮撐阿澤心地好：我冇揀錯老公

視后田蕊妮以歌手身份錄影《勁歌金曲》，提到老公杜汶澤與容祖兒的紛爭，她說：「祖兒叫佢民主英雄，其實唔稱得上，係過獎，佢好珍惜香港，所以先成日發洩同分享感受，佢亦都好珍惜同祖兒嘅友情，好似珍惜香港一樣，今次佢上咗好好一課，以後會小心啲，其實佢監製嘅戲，唔止一部，次次都想女主角得獎。（你做和事佬？）佢已經道咗歉。（佢被傳踩劉浩龍？）我好肯定唔係真！（驚唔驚佢朋友愈來愈少？）我已經係佢好好朋友，其實圈中仲有好多朋友，會提點佢，佢都會聽，多謝關心。（覺得今次係小事化大？）過咗去就無謂再停留。」

另外，對於阿澤再被大陸網友攻擊，更有網友連她也責罵，阿田力撐老公有時說話太盡，但心地很好：「老公係我自己揀，我冇揀錯，佢對我嘅愛惜無人能及，有時講嘢係盡得滯，但心地好好。」

提到阿田將出碟，問到阿澤會否買一千幾百隻送給朋友？阿田即搞笑說：「睇下我哋仲剩緊幾多朋友先啦！」