劉偉強54歲生日設宴 遭貼大字布:傻強

20140404
東網電視
更多新聞短片
劉偉強54歲生日開P慶祝,與太太手拖手到門口迎接賓客,並站在惡搞的海報前合照。
導演劉偉強54歲生日,在西貢寓所Club House搞生日派對,會所外有一張大海報並由劉偉強監製的電影《賭城風雲》海報做背景,據悉此Poster是由劉偉強公司的員工製作,只見海報上將劉偉強的大頭Key在原本是周潤發及謝霆鋒的頭上,並寫上:「生日風雲」、「傻強X劉強至like組合 型爆賀壽」及「From 53to54」、「4月4日飲盡天下無敵手」等字句。
被「惡搞」的劉偉強心情大靚笑言不介意,「幾得意,襯返套戲嘅Poster。」談到被稱為「傻強」,他說:「冇所謂,叫咗好耐,由《無間道》開始已經咁叫,十年八年,大家開心。(係咪飲遍天下無敵手?)梗係唔得啦!佢哋啫,唔係我,我唔掂,唔想醉住返屋企。(上年有醉?)飲酒有少少High啫,舊年返到屋企仲飲緊,飲到凌晨4點。(準備幾多支酒?)十箱八箱,應該夠,唔夠再班囉!」
發哥將接拍續集
談到生日願望,他表示現在最緊要身體健康:「同大家開開心心,今次都係搵藉口同大家見下面,趁機會同大家坐埋傾下偈。(工作方面?)舊年幾好,希望同晶哥(王晶)繼續,因為我哋依家籌備緊搞《賭城風雲》Part2,都係原班人馬。(包括杜汶澤?)嗰啲唔講住,生日唔講。(發哥應承拍第二集?)到時見到佢再問佢啦!」