王宝宝桃紅內衣　當街赤腳追電車

與李思捷關係撲朔迷離的藝人王宝宝（春卷），早上七時多為自編自導微電影《爭仔愛作戰》進行拍攝。春卷以桃紅色內衣上陣，於上環赤腳追住電車狂跑，並一邊跑一邊做粗口手勢。雖然當時時間尚早，途人唔算多，但都吸引了在附近等巴士的巿民眼望望，有人更拿出手機拍照及拍片，更有人為了「睇嘢」，連有車都唔願上。

問到跑後感？春卷笑言：「對腳板好痛。」問到着內衣跑步會否驚犯法？她說：「唔會，同着比堅尼冇分別，只要唔係裸跑就ok。」問到咁多途人望住，會否尷唔尷尬？她則表示：「我冇諗。」問到有途人影相影到唔願上車？春卷說：「唔理，我當宣傳，最重要拍好啲鏡頭，因為時間唔係好多。」

由於春卷拍攝時有做粗口手勢，問到微電影會否像電影一樣分級別，春卷說：「我放上網絡播。」春卷透露該個場口劇情是講述她被整蠱，她又指思捷在她創作期間給予了不少意見：「佢知我拍呢場戲，我同佢講自己個構思，佢話都幾爆。」

問到思捷今日會否前來探班？她說：「今日唔知，但呢場就唔會，咁早。」問到有否試過被思捷整蠱？她笑言：「佢成日整蠱我。」問到最大整蠱是怎樣？她竟說：「佢自己唔知整蠱咗我。」再問小整蠱是甚麼時，春卷才說：「有時打畀佢，佢扮另一把聲，搞到我以為自己打錯電話。」

大碼內褲着唔落感尷尬

再追問思捷整蠱她是否愛的表現？春卷亦直認不諱說：「都好似，我鍾意嘻嘻哈哈，可以講笑嘅人。」問她拍攝前做了甚麼準備？她直言前兩天已開始減少進食減肥：「我以前喺外國着細碼衫，嚟到香港着加大碼。內褲都係，我想買大碼，但個hip位真係着唔入，個店員都估唔到，我都好尷尬。」

問到着內衣當街當巷跑緊唔緊張？她說：「都有少少，不過我做模特兒咁多年，裸照都拍過啦！」」她透露故事圍繞女追男同爭仔，都有自己及朋友經歷在內，問是否想將這個訊息講畀男友知，她即反問：「我有男友咩？我冇男友。」問到是否同思捷又分手？她說：「分咗一次就冇。」