官恩娜家現靈異現象　搵男友同居定驚

歌手官恩娜（Ella）出席商場的枕頭大戰活動，問到早前森美取笑周柏豪品牌的潮服，Ella表示不太知情況，但應該是單純開玩笑：「其實森美朝早開咪都係想人笑吓醒神啲。」至於柏豪，Ella笑言：「柏豪係男人大丈夫，胸襟好大，仲應該可以打籃球添！」

另外，Ella講起最近家裏驚現怪異事件，事緣早幾日Ella在廚房見到一隻匙羹，竟然自行平面打橫移動，官恩娜

說：「雖然我已經好冷靜咁拎返起佢，又扮係自然咁跌咗，但都係驚驚地。」

結果一個人住的Ella，叫了男朋友「陪住」三四天定驚：「嗰時個心有啲亂，佢喺度冇咁驚嘅。」Ella又指昨日開燈時，又有一整排燈壞了，不過她仍自我安慰笑謂：「應該係都敏俊同千頌伊嚟咗。」