張天愛讚黃秋生好Man：似外國嘅夏里遜福

名媛張天愛到中環為無綫節目《燭光晚餐》任嘉賓，對於繼母顏婉玉早前在新加坡被殺，顏的家中印傭被控謀殺，張天愛說：「我哋冇見面好多年，件事令我覺得無論生活喺邊度，都要睇前睇後，因為你唔知人哋咩背景、修養，就算喺香港都曾經有舞蹈家喺街被殺（毛妹徒弟），我自己喺北京、法國都會小心。（會否去新加坡幫手處理繼母後事？）我之喺北京收到好多電話，我唔想因為我個名而令到外界去講呢件事，最好唔好講，呢件只係一件偶然嘅災難。」

提到秋生話怕在張天愛面前顯得唔夠料（修養），張天愛說：「點會？秋生嘅男人魅力我好欣賞，佢係由心而發，香港流行偶像好男仔，但秋生就好man，有男子氣概，好似外國嘅夏里遜福！」