祖藍當正李亞男老婆：佢知我有幾多身家

藝人王祖藍及李亞男情侶檔出席宣傳活動，期間更獲送豪華套房船票。對此祖藍笑言要留到渡蜜月時使用：「朝結婚方向進行中，不過暫時冇時間結婚，搵夠錢先啦！（開聯名戶口？）我嘅即係佢（李亞男）嘅，佢知我有幾多身家啦！」亞男聞言即「畀說話」祖藍聽：「淨係知啫！都唔係有！」問到會否舉辦郵輪婚禮？祖藍大賣關子說：「睇吓有冇贊助先？」

談到祖藍發聲明否認聘請黑工一事，祖藍稱對抺黑者身份心中有數，假若再被抹黑，他將採法律行動：「佢（抹黑者）啲資料錯哂，我只係租辦公室用，況且人哋根本唔係黑工！係行內人做，我心中有數，佢應該『捕咗』我一輪。（得罪人？）我冇得罪人，可能佢覺得我得罪咗佢，可能佢妒忌同唔抵得。希望佢哋唔好再搞（抺黑），否則會採取法律行動。（心情如何？）冇影響到，好舒暢！」旁邊的女友李亞男亦力撐愛郎謂：「心情冇影響！忘記他（抹黑者）啦！」